Nasionál
Malázia Oferese Millaun $3 Mai Timor-Leste Liuhosi Programa Formasaun Diplomata Timoroan
Hatutan.com, (10 Outubru 2024), Díli-Primeiru-Ministru (PM), Kay Rala Xanana Gusmão agredese bá Governu Malázia ne’ebé ho inisiativa hodi oferese Millaun $3 mai Governu Timor-Leste liu-liu Ministériu Negósiu Estranjeiru no Kooperasaun (MNEK) atu haforsa programa formasaun bá Diplomata Timoroan sira.
Lee Mós: Xanana Husu Nasaun sira Membru ASEAN Sai Modelu bá Unidade
PM Xanana hato’o agradesimentu bá Primeiru-Ministru (PM) Malázia, Anwar Ibrahim liuhosi enkontru bilaterál iha Sentru Konvensaun Nasionál (NCC, sigla inglés), Vientiane, Repúblika Demokrátika Populár (RDP) Laos, Kuarta (09/10/2024). Foto/Mídia GPM
Komunikadu ne’ebé Hatutan.com asesu, fó sai katak, PM Xanana hato’o nia sentidu agradesimentu ne’e durante enkontru ho ninia omólogu Primeiru-Ministru (PM) Malázia, Anwar Ibrahim iha Sentru Konvensaun Nasionál (NCC, sigla inglés), Vientiane, Repúblika Demokrátika Populár (RDP) Laos, Kuarta (09/10/2024).
“Agradese bá apoiu hotu-hotu ne’ebé Malázia oferese, partikularmente millaun $3 bá formasaun diplomata Timoroan sira no ita kontinua servisu hamutuk,” Hatutan.com sita iha komunikadu.
Malázia anúnsia estabelesimentu filiál dedikadu ida hosi Institutu Diplomásia no Relasaun Estranjeiru (IDFR), hodi fó formasaun bá diplomata Timoroan sira, enkoraza mós Timor-Leste atu haruka reprezentante sira bá objetivu ida-ne’e.
Iha komunikadu ne’e mós, Governu Malázia reafirma sira-nian kompromissu hodi aselera Timor-Leste nia adezaun bá ASEAN, ho objetivu bá progresu durante Prezidénsia Malázia nian iha tinan oin.
Xefe Governu Malázia fó konsellu bá Timor-Leste atu hasa’e foku bá pilár ekonómiku atu fornese mós atualizasaun regulár kona-bá progresu.
Líder rua ne’e mós diskute kona-bá vizita ofisiál Timor-Leste nian bá Malázia iha tinan ne’e nia rohan, iha ne’ebé sei aborda liu-tán tópiku sira-ne’e ho assuntu bilaterál sira seluk.
Delegasaun Timor-Leste ne’ebé akompaña PM Xanana iha enkontru bilaterál ne’e kompostu hosi Vise Primeiru-Ministru, Ministru Koordenadór Asuntu Ekonómiku no Ministru Turizmu no Ambiente, Francisco Kalbuadi Lay, Ministra Solidariedade Sosiál no Inkluzaun, Verónica das Dores, Vise Ministra Asuntu ASEAN, Milena Maria da Costa Rangel, Embaixadór Timor-Leste iha Laos, Filomeno Aleixo da Cruz no Xefe Gabinete Primeiru-Ministru, Elizabeth Exposto.
Jornalista: Rogério Pereira Cárceres
Nasionál
Ministériu Saúde Esplika Tratamentu Saúde Eis-PR Francisco Guterres “Lú-Olo” To’o Husik Iis
Indonéziu Na’in-61 Argiudu Ba Kazu Scam Call Centre Submete Primeiru Interogatóriu iha Tribunál
Ministériu Saúde Esplika Tratamentu Saúde Eis-PR Francisco Guterres “Lú-Olo” To’o Husik Iis
Xanana Husu Universidade sira iha Portugal Aumenta Vaga Bá Estudante Timoroan iha Área Direitu
“Papa La Katak Buat Ida Mai Ha’u, Iha Aeroportu Papa Fó De’it Hakuak Ida ho Hamnasa”
Família Saudozu Lú-Olo Rekomenda Hadi’a Sistema Setór Saúde
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Nasionál6 days agoFalur Rate Laek: “Iha Ospitál Malázia, Lú-Olo Haruka Mensajen Mai Ha’u Hanesan Atu Despede Malu”
-
Internasionál1 week agoASEAN-Rusia Hametin Parseria Estratéjika iha Kazan Summit 2026
-
Nasionál1 week agoEis-Prezidente Francisco Guterres Lú-Olo Hakotu Iis iha Malázia
-
Nasionál1 week agoTimor-Leste Lutu Nasionál Loron Hitu Ba Falesimentu Eis-Prezidente Repúblika Francisco Guterres Lú-Olo
-
Nasionál5 days agoLia-Menon Lú-Olo Ba SG FRETILIN: Ita-Rua Enkuantu Hamutuk, Ita Hamutuk Servisu,”
-
Nasionál1 week agoRaul Lemos Hato’o Sentidu Triste Kle’an Ba Eis-Prezidente Repúblika Francisco Guterres Lú-Olo Nia Mate
-
Nasionál7 days agoTimor Lakon Lider Nasionál Francisco Guterres “Lú-Olo”
-
Nasionál6 days agoPovu Timor-Leste Simu Kadaver Lú-Olo ho Lelir no Matan-Been