Justisa & Krime

CET Lamenta no Kondena Violénsia Entre Joven Timoroan iha Santuáriu Fátima

Published

2 years ago

06/06/2024

Hatutan.com, (06 Juñu 2024), Díli- Conferência Episcopal Timorense (CET) lamenta no kondena aktu violénsia entre joven Timoroan iha Santuáriu Fátima-Portugal tamba ida-ne’e la hatudu dignidade nu’udar sarani Katóliku.

Lee Mós: Xanana “Hirus” Joven Timoroan Hafo’er Santuáriu Fátima ho Ran no Deklara Taka Totál GAM ho GAR

Santuáriu Fátima-Portugál. Foto/Dok.Ecclesia

Vigáriu Jerál Arkidioseze Metropolitana Díli, no Sekretáriu Tékniku CET, Pe. Graciano Santos Barros hateten CET preokupadu tebe-tebes no lamenta ho konfrontu sira ne’ebé mosu iha Domingu dadeer (02/06/2024) iha aredór Santuáriu Fátima, Portugál ne’ebé kauza vítima mortal ida no balun kanek.

Tuir fonte kredivel CET nian balun, vítima mortál mak mane ida ho idade 25, no konfrontu ne’e envolve joven Timoroan ho idade entre tinan 25 to’o tinan 30.

“Maske seidauk hatene motivu lolos insidente ne’e nian, ami Bispu sira Timor nian manifesta ami nia laran susar no la konkorda ho kualkér forma violénsia iha sosiedade nia leet, liu-liu iha fatin sira hanesan Santuáriu Fátima,” Pe. Graciano Santos Barros bá jornalista sira liu husi konferénsia ba imprensa ne’ebé hala’o iha Sede CET, Bidau Mota Klaran (Capela São Sebastião, Bidau), Kinta (06/06/2024).

Liu husi jestu públiku ida ne’e, CET husu deskulpa ba povu portugés, ba Conferência Episcopal Portuguesa, em partikular Dioseze Leiria ho nia sarani sira. Ba moradór no peregrinu sira Santuáriu Fátima nian baá hahalok sira joven ne’e nian ne’ebé perturba ona hakmatek sakralidade Santuáriu Fátima nian.

“Ami apela ba Polísia Judisiáriu Leiria nian atu investiga didi’ak epizódiu konfrontu sira ne’e no ami hein rezultadu sira investigasaun nian atu responsavel aktu sira ne’e hetan julgamentu tuir lei sira ne’ebé vigora,” Saserdote ne’e afirma.

CET apela mós bá joven sira atu konverte an, halakon ondas no espirál violénsia nian, atu joven hotu em-jerál moris tuir fiar sarani, respeita no hadomi malu, hodi halibur hamutuk ho esforsu tomak atu halo buat di’ak iha rai ne’ebé de’it sira horik bá.

Jornalista: Vito Salvadór

Related Topics:CET Lamenta no Kondena Violénsia Entre Joven Timoroan iha Santuáriu Fátima headline

Up Next

Tribunál Hahú Julga Kazu Membru PCIC Husu Osan bá Oan Hosi Fuzitivu Arnolf Teves Jr

Don't Miss

Molok Foti Desizaun, Supremu Tribunál Justisa Sei Rona Testemuña husi Fujitivu Arnolfo Teves Jr

Click to comment

Justisa & Krime

Julgamentu ba sidadaun australianu ne’ebé suspeita ba kazu droga “dramátiku”, prova la sufisiente

Published

1 week ago

19/09/2026

hatutan

Hatutan.com, (19 Setembru 2026), Díli—Julgamentu interogatóriu dahuluk ba kazu ilísitu droga ne’ebé suspita Australianu ida inisiál HMP, Sábadu-kalan (19/09/2026), la’o ho “dramátiku” no “tentativa” oioin.

(more…)

Justisa & Krime

WNI Ne’ebé Komete Kazu Droga Kumpre Medida Koasaun Prizaun Preventiva

Published

2 weeks ago

14/09/2026

hatutan

Hatutan.com, (14 Setembru 2026), Díli–Tribunál Judisiál Primeira Instánsia Díli (TJPID), Segunda (14/09/2026), hasai despaisu ikus hodi aplika medida koasaun prizaun preventiva ba sidadaun Indonézia (WNI/warga negara Indonesia) ho insiál WJ ne’ebé sai arguidu ba kazu trafiku droga.

(more…)

Justisa & Krime

Terezinha Nia Mate iha Wetaba, Tribunál Aplika Prizaun Preventiva Ba Arguidu Membru SNI Na’in-Tolu no UPF Ida

Published

4 weeks ago

03/09/2026

hatutan

Hatutan.com, (03 Setembru 2026), Covalima–Tribunál Judisiál Primeira Instánsia Suai (TJPIS), Kinta (03/08/2026), hale’u tuku 10:00 Otl, hatun despaixu hodi aplika medida koasaun prizaun preventiva ba arguidu na’in-haat ne’ebé suspeita ba kazu oho subar Terezinha Cardoso iha Aldeia Wetaba, Postu Administrativu Tilomar, Munisípiu Covalima, iha 24 fulan-Juñu 2026.

(more…)