Polítika
Luis Miguel Embaixadór Dezignadu bá Repúblika Mosambique
Hatutan.com, (18 Abríl 2024), Díli—Prezidente Repúblika (PR), José Ramos-Horta, fó posse bá Luis Miguel Lopes de Sousa Sequeira, nu’udar Embaixadór foun estraordináriu no plenipotensiáriu Repúblika Demokrátika Timor-Leste nian bá Repúblika Mosambique.
Prezidente Repúblika (PR), José Ramos-Horta, fó posse bá Luis Miguel Lopes de Sousa Sequeira, nu’udar Embaixadór foun estraordináriu no plenipotensiáriu Repúblika Demokrátika Timor-Leste nian bá Repúblika Mosambique, Kinta (18/04/2024). Foto: Média PR.
Timor-Leste no Mosambique iha relasaun istórika no kulturál hanesan eis-kolonias Portugés. Nasaun rua ne’e estabelese relasaun diplomátika iha 2002, lakleur depois Timor-Leste hetan independénsia.
Lee Mós: Francisco Branco Hala’o Diplomasia Iha Mosambique Kobre mós Ángola-Áfrika Súl
Sira mantein nafatin relasaun polítika amigavel, hodi hatudu apoiu bá malu bá dezenvolvimentu no esforsu sira atu harii nasaun.
Área prinsipál sira bá kontinuasaun parseria inklui edukasaun kruzada, justisa no kooperasaun jurídika, jestaun rekursu naturál sira, no servisu hamutuk hodi alkansa Objetivu Dezenvolvimentu Sustentavel ONU nian.
Timor-Leste iha kompromisu atu apoia dezenvolvimentu no seguransa Mosambike nian, liu hosi ligasaun fraternál espesiál hanesan nasaun sira ne’ebé ko’alia lian Portugés.
“Nomeasaun Embaixadór Luis Miguel Lopes de Sousa Sequeira reprezenta kompromisu ne’ebé metin bá Timor-Leste atu hasa’e no hametin liu tán kooperasaun bilaterál no amizade entre nasaun rua ne’e,” Prezidente Repúblika, José Ramos-Horta hateten iha komunikadu ne’ebé Hatutan.com asesu, Kinta (18/04/2024).
Embaixadór dezignadu bá Repúblika Mosambique, Luís Miguel Sousa Sequeira hateten, prióridade balun ne’ebé halo hanesan iha área edukasaun, ho formasaun, estudante balun ne’ebé agora daudaun estuda hela iha universidade Eduardo.
Miguel Lopes de Sousa Sequeira, nu’udar Embaixadór foun estraordináriu no plenipotensiáriu Repúblika Demokrátika Timor-Leste nian bá Repúblika Mosambique. Foto: Média PR.
“Ha’u mós iha ne’ebá sei haree fali oportunidade balun ne’ebé ita bele halo kooperasaun inklui mós iha rekursu minarai liu-liu petroleu ho gás. Mosambike riku rekursu minarai, entaun hanesan mós ho ita oinsá bele troka esperiénsia ho sira iha seitór ida-ne’e. Bele mós iha turizmu, dezenvolvimentu agrikóla nian liu-liu iha agrikultura, peskas no seitór seluk,” Luís Miguel hateten.
Nia hatutan, Prezidente Repúblika José Ramos-Horta dehan de’it bom sussesu ho misaun ida-ne’e, entaun Luis Miguel sente ondradu tebes ho konfiansa ne’ebé Prezidente Repúblika fó, no mós hakarak agradese ba Primeiru Ministru (PM), Kay Rala Xanana Gusmão bá konfiansa ne’ebé fó atu reprezenta Estadu iha Mosambike.
“Ha’u sei trata konfiansa ida-ne’e ho responsablidade atu hala’o ha’u nia misaun durante ha’u nia tempu iha Mosambike,” nia promete.
Vise-Ministra bá Asuntu ASEAN, Milena Maria da Costa Rangel hateten, Timor-Leste nia embaixadór antes mak Francisco Miranda Branco ne’ebé remata ona nia mandatu, entaun tenke nomeia fali embaixadór foun.
“Mosambike país membru CPLP, país irmaun desde sempre, presiza duni ita nia reprezentate nível Embaixadór bá iha Mosambike atu assegura kontinuasaun traballu hosi embaixadór sira antes halo hela. Embaixadór Luís Miguel sei semana ida ka rua tán dezloka ba Maputo atu halo kontinuasaun servisu misaun diplomátika nian,” Milena Maria da Costa Rangel hateten.
Normalmente embaixadór sira hetan mandatu tinan tolu, maibé depende bá nesesidade dalaruma tinan tolu bele mós iha posibilidade bá estende tán oitoan bainhira servisu balun presiza atu finaliza.
Mosambike ho Timor Leste país irmaun sempre kooperasaun iha lian Portugeza, edukasaun, depois haree potensislidade iha área ruma ne’ebé hanoin iha futuru bele reforsa tan, maibé país membru CPLP, país irmaun Timor Leste nian sempre entaun presiza duni nomeia kedas embaixadór ida ba fila fali, bainhira embaixadór antes remata nia mandatu.
Esperiénsia
Embaixadór Luis Miguel Lopes de Sousa Sequeira nu’udar profisionál timoroan ida-ne’ebé iha susesu boot tebes iha área análize polítika, koordenasaun programa, kapasitasaun no fortalesimentu institusionál ba organizasaun internasionál sira hanesan Banku Dezenvolvimentu Aziátiku (ADB), Banku Mundiál, no AusAID.
Iha mestradu oin-oin husi Universidade Nasionál Austrália, inklui iha Diplomasia, Asuntu Internasionál no Polítika Públika.
Embaixadór Luis Miguel Lopes de Sousa Sequeira hatudu ona kompromisu kle’an ba edukasaun no dezenvolvimentu profisionál. Nia dezempeña knaar seniór oin-oin, inklui nu’udar Koordenadór Prinsipál ba Asisténsia Téknika ADB nian ba Bee Timor-Leste husi tinan 2021 to’o 2023, Analista Polítika ba Servisu Bee no Urbanu no Konselleiru Politika Bee nian ba ADB.
Adidu Edukasaun ba Brazil ho Ministériu Edukasaun Timor-Leste, Asesór Senior Polítika Públika ho Sekretáriu Estadu ba Haforsa Institusionál, Asesór Nasionál ba Desentralizasaun ho Banku Mundiál, no Koordenadór Senior no Pontu Fokál Jéneru ho AusAID. Fluente iha lian Tetun, Portuges, Inglés no Indonézia, Sr. Sequeira mós okupa kargu lideransa iha organizasaun desportiva sira.
Jornalista: Vito Salvadór
Hatutan.com (15 Outubro 2026), Díli-Governu sei halo inaugurasaun ba uma dignu hamutuk 25 iha munisípiu Manatuto, Postu Administrativu Natarbora, no Munisípiu Manufahi postu administrativu Fatuberliu, nu’udar parte husi programa uma dignu ne’ebé sei kontinua dezenvolve iha munisípiu sira seluk.
Inaugurasaun ne’e sei fó prioridade ba uma sira ne’ebé konstrusaun kompletu ona no prontu atu hetan utilizasaun husi família benefisiária, atu nune’e sira bele hahú hela iha uma foun ne’ebé seguru no dignu.
“Iha loron 22 agora ne’e ita sei halo inaugurasaun ba uma dignu primeiru iha Fatuberliu no depois tuir mai sei iha Natarbora, no restu ne’e sei iha prosesu, uma sira ne’ebé atu inaugura ne’e tenki prontu 100%. Ita tenki inaugura ona uma ne’e para ema bele hela ona, lae hein fali uma ne’ebé mak seidauk hotu dala ruma ema labele hela lalais, uma ne’ebé kompletu los ona mak iha Fatuberliu, dau-daun ne’e iha uma 25 mak ita sei halo inaugurasaun,” Dehan Vise-Primeiru-Ministru, Ministru Sosiál no Ministru Dezenvolvimentu Rurál no Abitasaun Komunitáriu, Mariano Assanami Sabino ba Hatutan.com iha Ministérii Finansas, Aitarak-laran, Kuarta14/10/2026.
Iha faze tuir mai, iha mós planu atu halo estudu kona-ba konstrusaun uma tanba sei halo uma ho vertikál.
Programa uma dignu ne’e sai parte husi prioridade iha planu ministériu, depois durante tinan 20 independénsia, Governu fó atensaun bo’ot ba infraestrutura bázika, hanesan estrada, eletrisidade no bee-moos.
Agora, Governu hakarak aumenta investimentu iha setór uma, liu-liu atu garante katak juventude ho idade 18 ba leten bele asesu ba uma dignu.
“Ita iha moto katak ha’u nia uma mak ha’u nia moris mak sai nu’udar mensajen prinsipál husi programa ne’e. Uma la’ós de’it fatin atu hela, maibé mós símbolu dignidade, seguransa no estabilidade ba moris família ida,” Hatete Vise-Primeiru-Ministru
Programa ne’e sei kontinua to’o responde ba nesesidade populasaun, tanba iha konstituisaun hatete katak sidadaun hotu-hotu iha direitu atu asesu ba uma ne’ebé dignu no apropriadu.
Além husi fornese uma ne’e integra mós ho atividade ekonómika no dezenvolvimentu rurál, atu ajuda família benefisiária hasa’e rendimentu no hadi’a sira-nia kondisaun moris.
“Uma dignu ne’e integra mós ho oinsá mak atu hamenus kiak tanba ne’e mak ita integra ho atividade ekonomika, dezenbolvimentu rurál sei fasilita oinsá para sira bele iha rendimentu, tanba uma dignu sira ne’e sei selu la’os gratuita, selu mais kuandu nia rendimentu ne’e to’o ona $500 ba leten, katak tenki hadia nia ekonomia para ita halo uma nia dihnu iha laran tanba nia ekonomia komesa iha ona para bele halo manutensaun ba uma no bele iha sustentabilidade,” Assanami informa
Programa uma dignu ne’e mós sei liga ho edukasaun, liuhusi AHHA Education, ne’ebé sei oferese kursu lian Inglés no Portugés gratuitu ba labarik sira husi família benefisiária.
Além ne’e, kondisaun edukasaun no asesu ba eskola ne’ebé di’ak sei sai parte importante atu prepara labarik sira ba futuru, no ajuda sira iha oportunidade atu dezenvolve an no kontribui ba família no sosiedade.
“Konstrusaun uma ne’e tekniku sira hare’e katak maximu tau iha $40.000 mil mais agora sira atu hadia fali parese sei liu uitoan husi ida ne’e, mais realidade ne’e uma kuartu 4, uma ne’e se ita halo privadu mós ho $40.000 ne’e mós dala ruma ita la halo uma hanesan ne’e. Tanba ne’e mak ha’u husu ba tékniku sira tenki seriedade, survey no kompañia mós tenki iha lukru, tanba ne’e mak difikuldade kompañia mós dala ruma sira menan tiha tender mais la iha benefisiu, ida ne’e tékniku sira tenki hare’e para kada programa ka projetu ne’ebé mak ita halo tenki iha benefisiu ba kompañia para sira bele esforsu halo servisu,” Termina Assanami.
Jornalista: Maria Angelita Sandi Belo
Xanana: Mina La Maran, Kontratu Esplorasaun Bayu Undan Mak Remata
Governu Lansa Detailed Marine Survey Atu Garante Seguransa Pipeline Greater Sunrise Mai Timor-Leste
Parlamentu Nasionál Aprova OJE 2027 iha Jeneralidade
PILAR AZUL NE’EBÉ ITA HALUHA TIHA IHA TASI OE-CUSSE: VIZAUN OSEANOGRÁFIKA NO EKOLÓJIKA
Opozisaun kestiona prioridade orsamentu sira kontinua konsentra de’it ba setór petroliferu
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Nasionál6 days agoXanana: Pesoalmente ha’u sei apoia feto kandidata ba Prezidente Repúblika períodu 2027–2032
-
Opiniaun22 hours agoPILAR AZUL NE’EBÉ ITA HALUHA TIHA IHA TASI OE-CUSSE: VIZAUN OSEANOGRÁFIKA NO EKOLÓJIKA
-
Nasionál1 week agoPR José Ramos-Horta Hala’o Vizita Ba Repúblika Koreia
-
Nasionál3 days agoGovernu ho PN Hahú Diskute OJE 2027 ho Total Montante Billiaun US$2.57
-
Defeza & Seguransa7 days agoDurante Períodu Finadu, Mosu Asidente 23 no Rezulta Vitíma ida Lakon Vida
-
Polítika2 days agoOpozisaun kestiona prioridade orsamentu sira kontinua konsentra de’it ba setór petroliferu
-
Nasionál6 days agoEleitór Timor-Oan Liu 11.600 Halo Resensiamentu iha Diaspora Iha Ámbitu Preparasaun Eleisaun Prezidénsial 2027
-
Nasionál14 hours agoXanana: Mina La Maran, Kontratu Esplorasaun Bayu Undan Mak Remata