Ekonomia

Proposta Lei OJE 2024 Aprovadu, Dotasaun Konsolidadu Billiaun $1,95

Published

3 years ago

21/11/2023

hatutan

Hatutan.com, (21 Novembru 2023), Dili—Konsellu Ministru iha Tersa (21/11/2023), aprova ona proposta Lei Orsamentu Jerál Estadu (OJE) tinan 2024 ne’ebé aprezenta hosi Ministra Finansas (MF), Santina José Rodrigues F. Viegas Cardoso.

Dotasaun orsamentál bá tinan 2024 ho valór totál konsolidadu Billiaun $1,95 ne’ebé sei aloka Administrasaun Sentrál, Rejiaun Administrativa Espsiál Oecusse Ambeno (RAEOA) no Seguransa Sosiál, sein Fundu Rezerva Seguransa Sosiál.

Lee Mós: Ramos-Horta Espera OJE 2024 Fó Mós Prioridade bá Nutrisaun Labarik

Valór ida-ne’e inklui dotasaun millaun rihun $1,83 bá administrasaun sentrál no millaun $60 uza bá RAEOA.

“Hosi kategoria rua ne’e sei millaun $468,8 uza ba saláriu no vensimentu, millaun $386,3 bá bens no servisu, millaun $589,7 bá transferénsias públikas, millaun $34,2 bá kapitál menór no millaun $411 bá kapitál dezenvolvimentu. Orsamentu Seguransa Sosiál, inklui Fundu Rezerva Seguransa Sosiál, iha montante millaun $347,6,” Hatutan.com sita komunikadu.

OJE tinan 2024 prevé ho valór millaun $788,2 bá asuntu ekonómiku, millaun $467,1 bá protesaun sosiál, millaun $140,9 bá edukasaun, millaun $66,2 bá saúde no millaun $45,2 bá abitasaun no infraestruturas koletivas.

Jornalista: Vito Salvadór

Related Topics:95 Dotasaun Konsolidadu Billiaun $1 Proposta Lei OJE 2024 Aprovadu

Up Next

Xanana Enkoraza Emprezáriu Timoroan Dezenvolve-an Oferese Servisu bá Joven Sira

Don't Miss

Governu Sei Promove Turizmu TL Iha “Forum Internasionál Ekonomia”

Click to comment

Ekonomia

Komemorasaun Loron Mundial Ai-han 2026: Inovasaun Tenke Serve ba Nutrisaun, Povu no Planeta, la’ós de’it ba lukru

Published

24 hours ago

15/10/2026

hatutan

Hatutan.com (15 Outubru 2026), Díli--Atu komemora Loron Mundial Ai-Han, iha loron 16 Outubru 2026, La’o Hamutuk nafatin apela ba Governu, Parlamentu Nasionál, Prezidente da Repúblika, parseiru dezenvolvimentu, setór privadu, sosiedade sivil kooperativa no agrikultor sira atu kontinua haforsa produsaun agrikultura iha rai laran no hametin ekonomia rurál ne’ebé produtiva, reziliente no sustentável. Ho nune’e bele transforma sistema alimentár Timor-Leste nian hodi garante asesu ba ai-han nutritivu, seguru no asesível ba ema hotu.

(more…)