Ekonomia

Ekipa Negosiadór Reafirma ba Austrália Atu Dada Kadoras Greater Sunrise Mai TL

Published

4 years ago

01/07/2022

hatutan

Hatutan.com, (01 Jullu 2022), Díli— Delegasaun hosi Ministériu Petróleu no Minerais ho Autoridade Nasionál Petrólu no Minerais (ANPM) iha Austrália semana ne’e promove oportunidade minas iha Timor-Leste (TL) ba empreza mineira Australiana.

Xefe negosiadór Ministru Victor da Conceição Soares, akompaña hosi Embaixadora Timor-Leste ba Austrália Inês Almeida no Prezidente ANPM Florentino Soares Ferreira hasoru Ministra Rekursu Australiana Madeleine King. Foto/ANPM.

Aproveita oportunidade ne’e, Xefe negosiadór Ministru Victor da Conceição Soares, akompaña hosi Embaixadora Timor-Leste ba Austrália Inês Almeida no Prezidente ANPM Florentino Soares Ferreira hasoru Ministra Rekursu Australiana Madeleine King.

“Durante reuniaun, Timor-Leste reafirma ninian pozisaun hodi dezenvolve projetu Greater Sunrise liu hosi dada kadoras mai Timor-Leste,” Hatutan.com sita komunkadu hosi ANPM.

Tuir ofisiais sira ne’ebé marka prezensa iha reuniaun refere hato’o ba Ministra katak, estudus viabildade sira ne’ebé mak halo hosi inisiu to’o agora ho objetivu atu dezenvolve Greater Sunrise iha Timor-Leste.

Timor-Leste iha asesu ba ajénsia finanseira internasionál ne’ebé mak hakarak atu finansia projetu refere.

Timor-Leste ninia empreza mina nasional TIMOR GAP,E.P ne’ebé mós nu’udár membru konsórsiu ho acoeñs bo’ot tebes iha projetu Greater Sunrise asegura ona mós merkadu ba kompradór hosi gas Sunrise nian iha rejiaun no global.

Tanba ne’e, Timor-Leste haree eezenvolvimentu ba Greater Sunrise iha Timor-Leste nu’udár opsaun ida viavel tebes no Timor-Leste nian pozisaun úniku atu avansa ho Greater Sunrise bainhira dezenvolve Greater Sunrise liu hosi kadoras mai Timor-Leste.

Timor-Leste afirma mós katak teknikamente no komersialmente Dezenvolvimentu ba kampu Greater Sunrise iha Timor-Leste mak viável liu.

Ministra Rekursu Australiana ne’e nota pozisaun governu Timor-Leste nian no enkoraza atu kontinua kolabora ho parte ne’ebé involve.

Ministra ne’e mós promote atu passa informasaun sobre pozisaun Timor-Leste nian ba nia maluk sira seluk.

Jornalista: Rogério Pereira Cárceres

Related Topics:Ekipa Negosiadór Reafirma ba Austrália Atu Dada Kadoras Greater Sunrise Mai TL

Up Next

𝗘𝘇𝗲𝗸𝘂𝘀𝗮𝘂𝗻 𝗥𝗲𝗮́𝗹 𝗢𝗝𝗘 𝗥𝗲𝘁𝗶𝗳𝗶𝗸𝗮𝘁𝗶𝘃𝘂 𝟮𝟬𝟮𝟮 𝗶𝗵𝗮 𝗣𝗿𝗶𝗺𝗲𝗶𝗿𝘂 𝗦𝗲𝗺𝗲𝘀𝘁𝗿𝗲 A𝘁𝗶𝗻𝗷𝗶 𝟭𝟵%

Don't Miss

Inflasaun Globál Durante Fulan Lima, TL Lakon Billaun $1,6

Click to comment

Ekonomia

Komemorasaun Loron Mundial Ai-han 2026: Inovasaun Tenke Serve ba Nutrisaun, Povu no Planeta, la’ós de’it ba lukru

Published

6 days ago

15/10/2026

hatutan

Hatutan.com (15 Outubru 2026), Díli--Atu komemora Loron Mundial Ai-Han, iha loron 16 Outubru 2026, La’o Hamutuk nafatin apela ba Governu, Parlamentu Nasionál, Prezidente da Repúblika, parseiru dezenvolvimentu, setór privadu, sosiedade sivil kooperativa no agrikultor sira atu kontinua haforsa produsaun agrikultura iha rai laran no hametin ekonomia rurál ne’ebé produtiva, reziliente no sustentável. Ho nune’e bele transforma sistema alimentár Timor-Leste nian hodi garante asesu ba ai-han nutritivu, seguru no asesível ba ema hotu.

(more…)