Hatutan.com, (03 Janeiru 2022), Díli—Taxa ezekusaun reál Orsamentu Jerál Estadu (OJE) tinan 2021 ba Governu Sentrál to’o Sesta, 31 Dezembru 2021, atinji billiaun $1,4 ka 73% hosi totál Orsamentu Jerál Estadu (OJE) Retifikativu billiaun $2,1.

Ministru Finansa (MF) Rui Augusto Gomes hasorumalu ho Primeiru Ministru (PM), Taur Matan Ruak, Segunda (03/01/2022). Foto/MF.

Taxa Ezekusaun ne’e, Ministru Finansa (MF) Rui Augusto Gomes, atualiza ona ba Primeiru Ministru (PM), Taur Matan Ruak, iha Segunda (03/01/2022).

“Ohin dadeer, ha’u ba hasoru Primeiru-Ministru, hodi informa kona-bá progresu ezekusaun OJE 2021 to’o 31 Dezembru 2021,” Rui Gomes, hateten liu hosi komunikadu.

Ministru Finansa deskreve katak, taxa ezekusaun reál tuir klasifikasaun ekonómiku, aas liu maka iha kategoria Transferénsia Públika millaun $654,1 ka 93,4% hosi orsamentu alokadu millaun $700,4 tuir kedan ho Saláriu no Vensimentu millaun $217,8 ka 92,8% hosi orsamentu alokadu millaun $234,9.

Despeza Kontijénsia konsege ezekuta millaun $9,2 ska 86,1% hosi orsamentu alokadu millaun $10,7.

Bens no Servisu ezekuta millaun $402,4 ka 69,1% hosi orsamentu alokadu millaun $582,5. Kapitál Menor ezekuta millaun $43,8 ka 68,6% hosi totál orsamentu alokadu millaun $63,8.

Enkuantu, Kapital Dezenvolvimentu ezekuta de’it millaun $90,3 ka 26,6% hosi orsamentu alokadu millaun $340,1.

𝐄𝐳𝐞𝐤𝐮𝐬𝐚𝐮𝐧 𝐎𝐉𝐄 𝟐𝟎𝟐𝟏 𝐑𝐀𝐄𝐎𝐀

Taxa ezekusaun reál OJE 2021 ba Rejiaun Administrativa Espesiál Oecuse Ambeno (RAEOA) to’o iha Sesta, 31 Dezembru 2021, atinji de’it millaun $25,2 ka 26%, hosi totál orsamentu alokadu millaun $97,7.

Taxa ezekusaun reál tuir klasifikasaun ekonómiku, aas liu maka iha kategoria Saláriu no Vensimentu millaun $8,4 ka 76,5% hosi orsamentu alokadu millaun $11,1.

Bens no Servisu ezekuta millaun $9,6 ka 41,7% hosi orsamentu alokadu millaun $22,9. Transferénsia Públika ezekuta millaun $1,5 ka 40,1% hosi orsamentu alokadu millaun $3,7.

Kapitál Menór ezekuta rihun $374,5 ka 10,2% hosi totál orsamentu alokadu millaun $3,6. Kapitál Dezenvolvimentu ezekuta de’it millaun $5,2 ka 9,3% hosi orsamentu alokadu millaun $56,3.

𝐄𝐳𝐞𝐤𝐮𝐬𝐚𝐮𝐧 𝐎𝐉𝐄 𝟐𝟎𝟐𝟏 (𝐆𝐨𝐯𝐞𝐫𝐧𝐮 𝐒𝐞𝐧𝐭𝐫𝐚́𝐥 𝐧𝐨 𝐑𝐀𝐄𝐎𝐀)

Taxa ezekusaun reál OJE 2021 ba Governu Sentrál no RAEOA to’o iha Sesta-feira, 31 Dezembru 2021, atinji billiaun $1,4 ka 71% hosi totál OJE Retifikativu billiaun $2,1.

Taxa ezekusaun reál tuir klasifikasaun ekonómiku, aas liu maka iha kategoria Transferénsia Públika millaun $655,7 ka 93,1% hosi orsamentu alokadu millaun $704,1.

Tuir kedan ho Saláriu no Vensimentu millaun $226,3 ka 92% hosi orsamentu alokadu millaun $245,9. Despeza Kontijénsia konsege ezekuta millaun $9,2 ka 86,1% hosi orsamentu alokadu millaun $10,7.

Bens no Servisu ezekuta millaun $412,1 ka 68,1% hosi orsamentu alokadu millaun $605,5. Kapitál Menór ezekuta millaun $44,1 ka 65,4% hosi totál orsamentu alokadu millaun $67,5.

Enkuantu, Kapitál Dezenvolvimentu ezekuta de’it millaun $95,6 ka 24,1% hosi orsamentu alokadu millaun $396,4.

Jornalista: Cipriano Colo