Defeza & Seguransa
Joven Na’in-Rua Hatama Ilegál Atributu Arte Marsiál
Hatutan.com, (16 Dezembru 2021), Díli—Polísia Nasionál Timor-Leste (PNTL) liu hosi Servisu Sekreta Komandu Unidade Patrullamentu Fronteira (UPF) kompañia Bravo Suai, detein joven na’in-rua iha ponte tafara, Aldeia Tabolo, Suku Kasabauk, Postu Administrativu Tilomar.
UPF halo apreensaun no detein joven na’in-rua ne’ebé hatama atributu arte marsiál ho dala illegal iha área Mota-Masin, Suai, Kuarta (15/12/2021). Foto/PNTL.
Joven na’in-rua ne’e hatama sasan ilegál hanesan mina-rai no atributu Grupu Arte Marsiál (GAM) hosi Ikatan Keluarga Silat Putera Timor-Leste (IKS-PTL) liu hosi fronteira Mota-Masin.
Notísia iha Relasaun:Tranzasaun Ilegál Kontinua Akontese iha Fronteira Terrestre
Komandante UPF, Superintendente Polísia Euclides Belo, hateten sidadaun na’in-rua ne’e membru PNTL detein tanba halo transaksaun ilegál iha liña fronteira.
“Ami-nia membru UPF halo operasaun ne’ebé lidera hosi Segundu Komandante kompañia hamutuk ho Servisu Sekreta UPF nian, prende karreta tipu mikrolete ida ho númeru matríkula 37.161 no detein joven mane na’in-rua,” Euclides Belo hateten liu hosi komunikadu, Kinta (16/12/2021).
Joven na’in-rua ne’e ho inisiál TdC tinan 37 hosi Salele-Wetaba, Suku Beiseuk, Postu Tilomar ne’ebé hatama mina-rai litru 350 hamutuk masa sanulu.
Enkuantu, joven ida seluk nu’udár treinadór GAM iha ranting Goroto-Same ho naran inisiál AS tinan 32, hosi Aldeia Puscam (kampung 3), Suku Gorotu, Postu-Administrativu Same Vila, ne’ebe na’in ba atributu arte marsiais IKS nian.
Euclides Belo relata, atributu organizasaun IKS nian ne’ebé hatama ilegál iha fronteira no UPF konsege prende iha loron 15 Dezembru mak hanesan farda treina IKS pares 82, kamizola IKS 21, Poster IKS 74, envelope logo IKS 74, kalung Q 42, Masimidar Pengesahan ho logo IKS 78, sertifikadu IKS 1, sabuk 1, poster guru besar 1, ID card IKS 1, Livru IKS 1 no Poster Keluarga Besar IKS 1.
Hafoin halo identifikasaun ba AS nu’udár na’in ba atributu organizasaun IKS deklara katak, atributu sira ne’e tama hosi Timor-Osidentál liu hosi fronteira tasi iha loron 14 Dezembru tuku ida kalan iha área Mota Masin nian ne’ebé fasilita hosi timor-oan ida naran EsA tinan 30, hela iha Salele Bot, Suku Lalawa, Postu-Administrativu Tilomar.
Oras-ne’e daudaun, joven na’in-rua hamutuk ho evidénsia sira ne’e entrega ona ba Komandu PNTL Munisípiu Covalima, hodi kontinua ba prosesu investigasaun no sei prosesa tuir lei ne’ebé vigora iha Timor-Leste.
Jornalista: Rogério Cárceres
Defeza & Seguransa
PNTL Klarifika Xinés Na’in-Rua Viajen ho Aviaun Citilink La Tama Lista Suspeitu Osan Falsu
PNTL Detein Suspitu Na’in-Lima Ba Kazu Droga
SEKOMS Nia Knaar La’ós Tenke Tuituir PM Xanana Nia Viajen Sira
Apaga Notísia husi Konta Facebook Ofisiál RTTL, Rosário Maia: “Ne’e Problema Internál, Ami Buka hadi’a”
CAC Ajenda Ona Kazu Projetu Estrada Rita-Maubisse Ne’ebé Abandona husi Balada Unip.Lda
Liberdade Imprensa iha Risku: Klarifikasaun ka Presaun Polítika? (Disputa entre individu balun ho Mídia online Hatutan)
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Justisa & Krime1 week agoOfisiál F-FDTL Baku Membru SIP Na’in-rua Bainhira Halo Pasarevista Ba Karreta Ida Deskonfia Transporta Sasan Kontrabandu
-
Justisa & Krime1 week agoTribunál Aplika Prizaun Preventiva Ba Arguidu Na’in-tolu Ba Kazu Osan Falsu
-
Nasionál5 days agoPM Xanana La Husu SEKOMS Expedito Tenke Akompaña Nia Viajen sira iha Rai-Laran no Rai-Li’ur
-
Defeza & Seguransa6 days agoRekrutamentu Foun Ba Kadetas PNTL Posibilidade iha Fulan-Maiu
-
Defeza & Seguransa1 week agoPNTL Klarifika Xinés Na’in-Rua Viajen ho Aviaun Citilink La Tama Lista Suspeitu Osan Falsu
-
Justisa & Krime1 week agoSTOP PRESS: Suspeitu Na’in-Rua Lori Osan Falsu Ba Sosa Sasán iha Centro Halai Sai Ona Husi TL
-
Nasionál3 days agoSEKOMS Expedito La Akompaña Ona PM Xanana Ba Singapura, Iha Malázia Deskonfia Xanana “Duni” Expedito
-
Nasionál4 days agoAJTL Preokupa no Kondena Aktu Sensura Ba Notísia RTTL “PM Xanana La Husu SEKOMS Akompañia Nia Viajen Sira iha Rai-Laran no Rai-Li’ur”