Hatutan.com, (22 Jullu 2024), Díli- Prezidente Repúblika (PR), José Ramos-Horta, sei promove no fasilita setór privadu timoroan durante vizita ofisiál bá Xina ho Vietnam hahú husi loron 27 fulan-Jullu too  loron 04 fulan-Agostu, tinan ne’e.

Lee Mós: Prezidente Repúblika Husu Governu Tane Aero Dili no La Nesesita Atu AirAsia Semo Denpasar-Dili

Prezidente Repúblika (PR), José Ramos-Horta. Foto/Tome da Silva.

“Ha’u ko’alia uitoan asuntu kona-bá vizita bá Xina ho Vietname. Vizita estadu ne’ebé importante tebe-tebes áa nasaun bilaterál Timor Leste ho Xina no Timor-Leste ho Vietnam.” n Prezidente Repúblika José Ramos-Horta hateten bá jornalista sira liu husi konferénsia imprensa ne’ebé hala’o iha Palásiu Prezidensiál, Segunda (22/07/2024).

Iha vizita ofisiál Xefe  Estadu RDTL nian ne’e sei lori mos delegasaun balun husi setór privadu timoroan tamba iha relasaun diplomátika presiza tane-ás mós setór privadu sira.

Delegasaun bá Xina ho Vietname ne’e Prezidente Repúblika  ho delegasaun Governu nian no konvidadu setór privadu Timoroan simples balun mós ba, hanesan dala-barak kuandu bá liur sempre lori mós sira.

Ramos-Horta subliña liután katak konvida mós ema balun simples hanesan Xefe Aldeia, Xefe Suku, Timoroan balun akompaña ne’e mak sai husi Timor iha loron 27 fulan-Jullu no sei fila iha loron 04 fulan-Agostu 2024.

Jornalista: Vito Salvadór