Hatutan.com, (14 Juñu 2024), Díli-Xefe Ezekutivu Gerekan School Nusantara Republik Indonesia (GSN RI-ASEAN), Adriana F.I Seran, informa Governu Indonézia sei oferese bolsu estudu bá timoroan 200.

Lee Mós: Cambodia Oferese Tan Bolsu Estudu 10 bá Timoroan

Foto/Embaixada Indonézia iha Díli

Hafoin hasoru malu ho Komissaun G Parlamentu Nasionál ne’ebe tráta assuntu  Edukasaun, Juventude, Sidadania no Arte-Kultura, foin lalais ne’e iha PN, Adriana F.I Seran, informa sira-nia parte halo audiénsia ho Komisaun G hodi ko’alia  oinsá  atu loke programa  bolsu estudu bá bolseiru vokasionál husi  Indonézia  bá iha Timór-Leste ne’ebé sei loke iha Rejiaun Administrativu Oé-Cusse Ambeno (RAEOA) iha loron loron 06 fulan-Jullu 2024.

Bolsu estúdu  vokasionál ne’ebé GSN RI-ASEAN ko’alia mak bolsu estudu ne’ebé  fó bá Timoroan haree liubá nivél  Ensinu Báziku Filiál (EBF) to’o Ensinu bazikú sei kontinua iha ensinu sekundáriu no universidade iha Indonézia.

Durante iha Timor-Leste sira sei tau matan bá munisípiu  lima (5) mak hanesan Munisípiu Díli, Liquiça, Covalima, Bobonaro ho RAEOA.

Iha RAEOA  sei loke iha loron 06 fulan-Jullu 2024 ho oportunidade sira ne’e iha 2022  sempre hato’o  iha Embaixada Indonézia nian mai Timor-Leste  (KBRI, sigla indonézia)  no mós hetan apoiu masímu husi doadór prográma  bolsu estudu iha Timór-Leste no to’o agora Minstériu  Edukasaun sei fó sai iha fulan-Jullu mai.

“Bolsu estudu ida-ne’e sei fó bá bolseiru na’in-200, oituan liu na’in-60 relsiona ho rezultádu tinan kotuk  nian no ita hein katak iha fulan-Jullu mai sei iha bolseiru na’in-200 mak sei hetan bolsu estudu ne’e nia grau mak husi sekundária, teknikú vokásional no  universidade,” Adriana F.I Seran hateten.

Iha sorin seluk Prezidente Komisaun G PN, Armando dos Santos Lopes hateten informasaun ne’ebé hato’o husi Xefe Ezekútiva GSN RI-ASEAN husi  Malaka katák atu fó bolsu estudu bá Timoroan, nune’e Parlamentu Nasionál agradese  tanba presiza duni.

“Politíka Ministériu Edukasaun nian katak ita sei hatuun eskola sekundáriu jerál, no ita sei hasa’e eskola téknika vokasionál hodi prepara juventude sira nia kapasidade no abilidade  atu nune’e bele sai badaen ida bá ita nia nasaun hodi rezolve problema liuliu iha sétor edukasaun. Sira  sei hamutuk ho padre sira husi Jezuita mak sei tau matan bá sira no sira sei hanorin bolseiru  sira ho lingúa inglés ho portugés,” Deputadu Armando dos Santos Lopes hateten.

Jornalista Estajiaria:  Isabel Pirres