Hatutan.com, (24 Maiu 2024), Díli—Empreza nasionál Sali-Magu,  Kinta loraik (23/05/2024), hatama soru-been iha kontentór haat  (4) bá Institutu Nasionál Farmasia no Produtu Medikamentu ( INFPM) iha Kampu Alor, Díli.

Lee Mós: Sali-Magu Hatama Tan Ai-Moruk Item 11 no Reagentes Item 118

Ekipa Inspesaun husi MS loke kontnetór hodi verifika suru-been kontentór 4 ne’ebé hatama husi Sali-Magu bá INFPM, Sesta (22/05/2024). Foto/Tome da Silva

Daudaun ne’e INFPM simu ona soru-been iha kontentór ho kuantidade 40 feed ne’e tolu (3), ho 20 feed ida (1) no halo hela inspesaun ho prazu ne’ebé kalkula lais liu loron 15 to’o loron 20.

Prezidente  Receive and Inspection (R&I) Ministériu Saúde, Alipio da Costa,  bá Hatutan.com  iha resintu armazén INFPM, Sesta (24/05/2024), hateten, kontentór haat (4) ne’e  hatama item ida de’it mak soru-been.

“Iha kontentór   haat (4) ne’e item ida deit, ne’e soru loos deit, ho kuantidade 8.000, soru 500 mililiter, husi kompañia  Sali-Magu,” Alipio da Costa, informa.  

“Bainhira iha pedidu urjenti ruma, ekipa bele distribui, maibé tenke iha karta pedidu husi ekipa armazén mai ami, nune’e ami bele distribui lalais balun bá” Nia hateten.

Ekipa inspesaun ne’e kompostu husu ekipa Receive and Inspection (R&I) husi Ministériu Saúde no husi INFPM. Tuir informasain, daudaun ne’e produtu reajente, laboratóriu no ai-moruk  hamutuk item 34 iha kontentor rua (2) iha ona portu Tibar ne’ebé  kontinua atu transporta mai INFPM.

 Lista ai-moruk ho reajente  ne’ebé iha ona Portu Tibar

Jornalista : Leopoldina de Carvalho