Hatutan.com, (06 Abríl 2024), Díli—Devotu Jesus Divina Mizerikórdia ka konesidu ho devotu JDM, Sabádu (06/04/2024), hala’o prosisaun lori imajen Jesus divina Mizerikórdia la’o hosi sentru estasaun São Miguel Arcanjo, Surik-Mas bá to’o Igreja Santu António Motael, Díli.

Lee Mós: Jesus Nia Moris Hias Lori Naroman

Prosisaun Selebra Festa Divina Mizerikórdia, Sábadu (06/04/2024). Foto/Leopoldina de Carvalho

Reprezentante vatikanu iha Timor Leste, Mgr. Marcco Sprizzi ne’ebe akompaña hosi padre António Quenser no Padre Mariano Quintão hamutuk ho  sarani katólika hananu no halo orasaun  durante prosisaun nu’udár maneira oinsa hakarak atu ema hotu bele hatene, koñese, tau fiar ka konfiansa iha ninia mizerikórdia ne’e oinsa hakarak hatudu Aman Maromak nia domin lolos.

“Hanesan Jesus rasik deklara bá Santa Faustina katak Jesus Nia terus no mate ne’e hanesan maneira ida Maromak hatudu Nia laran luak, Nia domin hodi fó nia oan mane mesak bá mate. Ida-ne’e atu hatudu oinsá ita ema nia dignidade loloos,” Mgr. Marcco Sprizzi hateten bá sarani sira hafoin remata prosisaun iha Igreja Santo António Motael,

Reprezentante Santo Padre mai Timor-Leste ne’e esklarese katak prosisaun  ne’ebe halao iha Díli ne’e hanesan lori Maromak Nia domin atu ema hotu bele koñese no hadomi, no bele hametin liu tan fiar bá Jesus Divina Mizerikórdia, konfiansa no domin tomak ne’e sarani sira iha.

Observasaun Hatutan.com iha durante prosisaun ne’e hahú tuku 16:30 Otl  no antes idaidak fila bá nia horik fatin, sarani sira sei misa hodi kompleta Novena lorin dasia nian.

Festa Jesus Divinia Mizerikórdia. Foto/Leopoldina de Carvalho

Festa divina mizerikórdia ne’e sarani sira hahú ho  novena bá Jesus Divina miserikórdia ne’ebé hala’o durante loron-sia (9), hahú hosi Sesta-feira Santa ( 29/ 03/2024) no remata iha Sábadu (06/04/2024).

Partisipa iha prosisaun ne’e Devotu Jesus Divina Mizerikórda ne’e, reprezentante sarani sira mai hosi Parókia  Aileu, Manatuto no Díli rasik.

Tuir ajenda, Domingu (07/04/2024),  hal’u tuku 10:00 Otl sei remata ho misa ikus hodi kompleta festa Divina mizerikórdia iha igreja Santu António Motael.

Jornalista: Leopoldina de Carvalho