Figura

Felícia Carvalho Substitui Helder Lopes nu’udár Vise-Ministra Finansas

Published

2 years ago

11/09/2023

Hatutan.com, (11 Setembru 2023), Díli—Felícia Claudinha Cruz Carvalho, sei substitui Vise-Ministru Finansas sesante Helder Lopes iha mandatu IX Governu Konstitusionál.

Lee Mós : Prezidente Repúblika Aprova Proposta Primeiru-Ministru bá Ezonerasaun Vise-Ministru Finansas

Felícia Carvalho. Foto/Espesiál

Hanesan informa nanis ona katak Helder Lopes sei simu posse iha Kuarta, 13 fulan-Setembru tinan ne’e, hodi nu’udár Governadór Banku Sentral Timor-Leste (BCTL, sigla portugés) hodi troka Abrão de Vasconcelos.

Ho nomeasaun bá kargu foun Governador BCTL ne’e, iha loron 07 fulan-Setembru liubá, Prezidente Repúblika, José Ramos-Horta uza nia kompeténsia tuir Dekretu Prezidente Repúblika 2023/kona-bá ezonerasaun, aprova pedidu hosi Primeiru-Ministru (PM) Kay Rala Xanana Gusmão kona-bá ezonerasaun Helder Lopes hosi pozisaun Vise-Ministru Finansas.

Informasaun ne’ebé Hatutan.com asesu hosi fontes Governu, inklui mós fontes kuadru superiór sira iha partidu CNRT dehan, Felícia Claudinha Cruz Carvalho ne’e militante CNRT nian no iha esperiénsia servisu iha área finansas públika.

Iha tinan 2007-2012, Felícia Claudinha Cruz Carvalho hala’o knar nu’udár asesora iha Gabinete Ministra Finansas Emilia Pires no tinan 2017, Felícia Carvalho servisu nu’udár Xefe Unidade Jestaun Parseiru Dezenvolvimentu iha Ministériu Planu Finansas.

Proposta PM Xanana nian bá PR José Ramos-Horta kona-bá nomeasaun bá Vise-MF, Felícia Carvalho. Foto/Repro

Tuir fontes oioin ne’ebé servisu hamutuk ho Felícia Claudinha Cruz Carvalho durante ne’e iha Ministériu Finansas iha tempu sira liubá hateten, Felícia Carvalho iha esperiénsia no koñesimentu di’ak tebes iha planu finansas no bele dehan peritu iha área planu, jestaun no analiza ekonomia mikro no ekonomia makro.

Iha Segunda, 11 fulan-Setembru 2023, liuhosi proposta nomeasaun hosi Primeiru-Ministru (PM), Xanana Gumão, husu bá Prezidente Repúblika, José Ramos-Horta, atu fó posse bá Vise-Ministra Finasas, Felícia Claudinha Cruz Carvalho.

Proposta ne’e ho númeru 095/PM-GPM/IX/2023, asina diretamente hosi Primeiru-Ministru Xanana Gusmão.

Proposta ne’e ho konsiderasuan bá ezonerasaun Vise-Ministru Finasas sesante Helder Lopes bazeia bá dekretu Prezidente Repúblika númeru 86/2023, 8 fulan-Setembru, ne’ebé haktuir iha Konstituisaun RDTL artigu 106.

Jornalista : Vito Salvadór

Related Topics:Felícia Carvalho Substitui Helder Lopes nu’udár Vise-Ministra Finansas

Up Next

Múzika Shadow Nu’udár Espresaun Domin Bepi Nian bá Aman-Inan

Don't Miss

LSi Business School Atribui Doutór Onoráriu bá Vise Primeiru-Ministru Francisco Kalbuadi Lay

Click to comment

Figura

Embaixadór António Kalohan Sei Fó Kontinuidade Servisu Kooperasaun Bilaterál Timor-Leste no Suisa

Published

10 months ago

12/02/2025

hatutan

Hatutan.com, (12 Fevereiru 2025), Díli- Embaixadór Estraordináriu no Plenipotensiáriu dezignadu ba Suisa, António da Conceição “Kalohan” kompromete fó kontinuidade ba servisu sira kooperasaun bilaterál entre Timor-Leste no Suisa hodi hametin lasu amizade entre país rua iha futuru.

(more…)

Figura

António “Kalohan”, Embaixadór Timor-Leste ba Suisa

Published

10 months ago

11/02/2025

hatutan

Hatutan.com, (11 Fevereiru 2025), Díli- Sekretáriu Jerál Partidu Demokrátiku (PD), António da Conceição “Kalohan”, Kuarta (12/02/2025), hale’u tuku 10:00 dadeer (Oras Timor-Leste) simu posse hosi Prezidente Repúblika, José Ramos-Horta nu’udár Embaixadór Estraordináriu no Plenipotensiadu dezignadu ba Suisa ne’ebé rezidente iha Jenebra.

(more…)

Figura

Fraternidade Umana Sai Nafatin Imperativu Morál ba Povu iha Nasaun Hotu

Published

10 months ago

04/02/2025

hatutan

Hatutan.com, (04 Fevereiru 2025), Díli- Prezidente Repúblika (PR), José Ramos-Horta hateten fraternidade umana tenke sai nafatin hanesan imperativu morál ba povu iha nasaun hotu-hotu no Timor-Leste iha kompromisu ba valór demokrátiku sira no koezisténsia pasifika iha sosiedade.

(more…)