Hatutan.com, (21 Jullu 2023), Baucau— Bispu Dioseze Baucau, Dom Leandro Maria Alves, kompromete atu sai símbolu unidade no sinodalidade iha Dioseze Baucau no Igreja Timor.

Dom Leandro Maria Alves simu ordenasaun hosi Arsebispu Metropolitana Díli, Dom Virgílio Cardela do Carmo da Silva, SDB iha Igreja Katedral Santu António Baucau, Sesta (21/07/2023). Foto/Elio dos Santos da Costa

“Ha’u prontu hatan Sim ba Na’I Maromak Nia bolu, no agora iha imi leet hakarak atu sai sinál  unidade no sinodalidade,” Dom Leandro Maria Alves hateten iha diskurusu ordenasaun Epískopal ne’ebé realiza iha Igreja Katedral Santu António Baucau, Sesta (21/07/2023).

Hakarak atu sinal unidade entre na’i lulik sira, nai lulik ho relizioja no sarani sira.    Sinodalidade, katak la’o hamutuk entre nai lulik ho nai lulik sira. Nai lulik ho relizioja ho relijioza sira no sarani sira. Unidade no sinodalidade ida nee bele realiza deit ho Maromak no Espiritu Santu.

“To’o ona tempu atu ita lao sai ba buka bibi sira ne’ebé lakon no buka sira ne’ebé lao sala dalan. Buat ne’ebé importante liu maka hamutuk iha orasaun. Buat hotu konfia iha Maromak,” hateten Dom Leandro Maria Alves.

Dom Leandro Maria Alves simu ordenasaun hosi Arsebispu Metropolitana Díli, Dom Virgílio Cardela do Carmo da Silva, SDB.

Antes ne’e, Padre Leandro hanesan Pároku Parókia Catedrál Díli no Sekretáriu Ezekutivu Conferencia Episcopal Timorense (CET), no eleitu nu’udár Bispu foun Dioseze Baucau, hodi substitui Maktoban Dom Basílio do Nascimento ne’ebé husik-iis iha loron 30 fulan-Outubru 2021 tanba sofre moras fuan.

Karta pontísifise publikasaun ofisiál hosi Enkarregadu Negósiu, Monsenhor Marco Sprizzi lee hosi Arsebispu Arkedisze Díli, Dom Virgílio Kardeal do Carmo da Silva, SDB, iha Pasu-Episkopál, Lecidere liu hosi konferensia imprensa iha Kuarta (26/04/2023).

Iha Karta ne’e, Papa Francisco agradese bá Padre Leandro Maria Alves ne’ebé ho disponibilidade tomak atu serbi Dioseze Baucau.

Atu informa katak, hafoin Maktoban Dom Basílio do Nascimento husik-iis iha loron 30 fulan-Outubru 2021, Iha loron 04 fulan-Novembru 2021, Koléjiu Konsultores Diosezanu, hili Padre Alípio Pinto Gusmão, nu’udár Administradór Diosezanu to’o ohin loron.

Sarani Baucau simu Prezidente Republika, José Ramos-Horta ho bispu sira iha ámbitu serimonia ordenasaun Dom Leandro Maria Alves, nu’udár Bispu Dioceze Baucau, Sesta (21/07/2023). Foto/Elio dos Santos da Costa

Administradór Diosezanu ne’e hili bazeia bá dekretu Kanónika númeru 421/1 no tuir estatutu Koléjiu Konsultores númeru 7 ne’ebé fó kompeténsia atu Koléjiu ne’e bele konvoka reuniaun no halo eleisaun liu hosi votu segredu, tuir prosedura tomak, norma reskrisaun nian ne’ebé prevee iha Lei Kanónika númeru 164 to’o 179.

Biogarfia

Dom Leandro Maria Alves, moris iha Ermera 10 de Maio de 1974.

Estudu

1990-1993 : SMAK St. Yosep Dili

1993-1994 : Ano Propedéutico

1994-1995 : Ano Espiritualidade  São Maria Vianey – Dare

1995-1998 : Faculdade Filosofia e Teologia da Universitas Katolik Widya Mandira – Kupang (SAG).

1999-2001: Ano pastoral no Seminário Menor Balide

2001-2004 : Estudo de Teologia no Instituto Superior de São Tomas Aquino Evora-Faculdade de Teologia da Universidade Católica Portuguesa.

2014-2017 : Licenciado em Teologia Dogmática na Universidade Pontifício Urbaniana – Roma.

Orden Sakra

2004-2005     : Pastoral iha Paróquia Turiscai

2005               : Ordenação Diaconal

2006               : Ordenação Sacerdotal, 8 de Dezembro.

Servisu:

2006-2007 : Vigário Paroquial da Se Catedral.

2008-2011 : Perfeito da disciplina no Seminário Maior de São Pedro e São Paulo Fatumeta.

2009-2014 : Diretor da Fundação São Paolo da Diocese de Dili.

2009-2014: Diretor Executivo de Conectil.

2010-2012 : Secretário do Conselho Presbiteral da Diocese de Dili.

2011-2014 : Reitor do Seminário Menor de Nossa senhora de Fátima – Balide.

2011-2014 : Diretor da escola Secundaria Católica de Nossa Senhora de Fatima –Balide.

2017-2018: Vigário paroquial da paróquia de Catedral, Dili.

2018-2023: Secretário executivo da Conferência Episcopal Timorense (CET).

2023: Pároco da paróquia de Catedral Nosa Señora  Imaculada  Conceição, Díli.

Jornalista: Elio dos Santos da Costa