Connect with us

Defeza & Seguransa

Membru F-FDTL ho PNTL Ne’ebé Saláriu Liu $500 Labele Simu Subsídiu $200

Published

on

Hatutan.com, (22 Dezembru 2022), Díli—Ministru Defeza  (MD), Filomeno da Paixão de Jesus husu ba Komandu FALINTIL Forsa Defeza Timor-Leste (F-FDTL) ho Polísia Nasionál Timor Leste (PNTL) atu fó atensaun ba membru sira ne’ebé ho saláriu liu $500 labele simu subsídiu $200.

Ministru Defeza (MD), Filomeno da Paixão de Jesus. Foto/Hatutan.com.

Ministru hateten, Dekretu-Lei númeru 37/2022 esplika klaru, katak sidadaun ne’ebé ho saláriu kada fulan liu $500 labele simu.

Lee Mós: CAC Seidauk Hetan Infrasaun iha Pagamentu Subsídiu $200

“Ha’u husu ba Komandu PNTL ho F-FDTL atu implimenta ida-ne’e, tuir polítika governu nian. Funsionáriu no ema sira ne’ebé saláriu liu $500 labele simu subsídiu fim do ano,”  Ministru Paixão hateten hafoin partisipa serimónia aprezentasaun relatóriu atividade Defeza nian, iha Kuartél Jenerál Fatuhada Díli, Kinta (22/12/2022).

Advertisement

Iha fatin hanesan, Xefe Estadu Maiór Jenerál  FALINTIL Forsa Defeza Timor-Leste (F-FDTL), Tenente Jenerál Domingos Raúl “Falur Rate Laek” apela bá membru ne’ebé ho saláriu liu $500 labele simu subsídiu $200 tanba Dekretu Governu permite de’it sira ne’ebé saláriu menus hosi ne’e.

“Sé identifika membru sira ne’ebé mak ho saláriu liu $500 simu, ne’e la’ós ha’u mak foti desizaun maibé regulamentu sansaun administrasaun iha hodi regula sira. La’ós komadante mak foti desizaun,” Falur Rate Laek hateten.

Falur Rate Laek dehan, membru F-FDTL sira ne’ebé nia saláriu mensál ki’ik ka menus hosi $500 mak iha direitu simu subsídiu ne’e tanba Dekretu-Lei númeru 37/2022 mak haruka.

“Ha’u obedese bá lei, tanba desizaun Governu nian la bandu F-FDTL la bele simu subsídiu fim do ano. Maibé bandu ema ne’ebé nia saláriu liu $500,” Falur Rate Laek alerta.

Jornalista: Rogério Pereira Cárceres

Advertisement

Continue Reading
Advertisement
Click to comment

Leave a Reply

Your email address will not be published. Required fields are marked *

Defeza & Seguransa

Joven Ida husi Maubisse Mate Mistériu iha Merkadu Taibessi

Published

on

Hatutan.com, (19 Fevereiru 2026), Díli– Joven ida ho naran inisiál AXdR no ho idade tinan 33 husi Postu Administrativu Maubisse, Munisípiu Ainaro, Kuarta kalan (18/02/2026), mate mistériu iha haris fatin laran Merkadu Taibessi, Díli.  

(more…)

Continue Reading

Defeza & Seguransa

Governu Suspende Tempráriu Rekrutamentu Ajente PNTL 2025

Published

on

Hatutan.com, (11 Fevereiru 2026), Díli-Reuniaun Konsellu Ministru (KM), Kuarta (11/02/2026), iha Palásiu Governu, deside  suspende rekrutamentu ajente Polísia Nasionál Timor-Leste (PNTL) foun ba tinan 2025 tanba deskonfia iha pratika favoritizmu no familiarizmu iha prosesu selesaun.

(more…)

Continue Reading

Defeza & Seguransa

FM Konsidera MI Inkapasidade no Fase-Liman iha Polémika Rekrutamentu Kadete PNTL

Published

on

Hatutan.com, (10 Fevereiru 2026), Díli-Polémika iha rekrutamentu kadete Polísia Nasionál Timor-Leste (PNTL) ne’ebé deskonfia hamosu pratika favoritizmu no familiarizmu, lori Fundasaun Mahein to’o iha konkluzaun ida katak Ministru Interiór (MI), Francisco da Costa Gusterres, laiha kapasidade atu organiza no foti desizaun. Nune’e, tenke lori fali to’o Konsellu Ministru mak tenke foti desizaun.

(more…)

Continue Reading

Trending