Nasionál
OJE 2023, PR Horta Husu Tribunál Rekursu Halo Fiskalizasaun Preventiva Bá Fundu Veteranu Billaun Ida USD
Hatutan.com, (06 Dezembru 2022), Díli- Prezidente Repúblika (PR), José Ramos-Horta, husu ona bá Tribunál Rekursu (TR) atu halo fiskalizasaun preventiva bá fundu veteranu ne’ebé Governu ho Parlamentu Nasionál aprova ho montante billaun ida dólar Amerikanu (USD) iha proposta Orsamentu Jerál Estadu (OJE) 2023.
Lee Mós : Governu Fiar Prezidente Repúblika Promulga OJE 2023
Prezidente Repúblika, José Ramos-Horta. Foto/Elio dos Santos da Costa
Prezidente Repúblika, José Ramos-Horta, Segunda kalan (05/12/2022) haktuir bá jornalista sira iha Palásiu Prezidensiál Nicolau Lobato, Díli, katak OJE 2023 haruka ba Tribunál Rekursu atu halo fiskalizasaun preventiva bá de’it fundu veteranu nian ho montante orsamentu billaun ida USD.
Bainhira Prezidente Repúblika iha dúvida balun kona-bá parte konstitusionál únika institutusaun atu bele rezolve dúvida sira ne’e mak Tribunál Rekursu.
“Jurista balun ne’ebé la’ós agora de’it desde tinan kotuk ne’eba hanesan kestióna konstituisiinalidade fundu veteranu nian entaun ha’u nu’udar Xefe Estadu, ha’u tenke haruka lai ba Tribunál Rekursu, kazu Bankada CNRT hatama kleur tiha ona ne’eduni Tribunál sei fó klarifikasaun bá ida-ne’e iha tempu badak, la afeta, no laiha impaktu bá tempu aprovasaun bá promulgasaun Orsamentu Jerál Estadu ne’e sei akontese fim do ano,” Prezidente Repúblika José Ramos-Horta hateten.
Uainhira jornalista sira husu ho razaun saida mak Prezidente Repúblika hakarak husu fiskalizasaun preventiva bá fundu veteranu nian ne’e rasik, Ramos-Horta argumenta katak Fundu veteranu ne’e la’ós fundu ida atu hasai osan hosi fundu ne’e selu veteranu sira, fundu veteranu konforme Governu esplika billaun ida USD atu halo investimentu ruma iha nasionál ka internasionál, investimentu ne’e bele fó retornu hanesan 3% bá billaun ida USD entaun ho retornu ne’e mak bele ajuda veteranu sira fó bolsu estudu, saúde, hadia sira nia uma, osan sei la sai tan husi OJE, no la sai husi fundu ne’eduni, sei mai husi retornu lukru reseita ne’ebé mai hosi investimentu fundu veteranu ne’e mak Governu nia intensaun, nia hanoin. Maibé Tribunál Rekursu sei haree konstituisionalidade fundu veteranu ne’e.
“Ha’u hanoin di’ak liu haruka bá Tribunál Rekursu, se Tribunál Rekursu deklara inkonstitusionalidade laiha impaktu bá OJE 2023,” Xefe Estadu ne’e afirma tan.
Lee Mós : Prezidente Repúblika Sei Haruka Proposta OJE 2023 Bá TR Halo Fiskalizasaun Abstrata
Jornalista: Vito Salvadór
Nasionál
Promosaun Diviza Julia da Gama “Demoradu” Bazeia Ba Despaixu Ministru Interiór La’ós Komandu Jerál PNTL
Komisáriu Asistente Afonso dos Santos Husu Membru PNTL Servisu Tuir Leí no Regulamentu
Mane ida Deskonfia Moras Mentál Sona Reinaldy To’o Mate no Na’in-rua Seluk Kanek
Jesus Fase Eskolante Sira Nia Ain Nu’udár Simbolu Serbí ho Domin no Haraik An
Governu Fó Prazu Loron 40 Ba Estrutura RAEOA
Posibilidade Timor-Leste Enfrenta Diminui Asesu Eletrisidade Oras Neen Kada Loron
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Polítika7 days agoParlamentu Nasionál Aprova Lei Pratika Arte-Marsiál iha Jeneralidade, FRETILIN Vota Abstensaun
-
Justisa & Krime13 hours agoMane ida Deskonfia Moras Mentál Sona Reinaldy To’o Mate no Na’in-rua Seluk Kanek
-
Defeza & Seguransa1 week agoKomandante Jerál PNTL Afonso dos Santos Konfirma Sei Laiha Intervensaun Polítika iha PNTL
-
Polítika1 week agoBankada CNRT Husu Governu Monitoriza Presu Kombustível
-
Justisa & Krime1 week agoEnvolve Kazu Kontrabandu, Tribunál Oé-Cusse Aplika Pena Multa Ba Arguidu Regio Salu Atuál PA-RAEOA ho Arguidu Seluk Tan
-
Defeza & Seguransa6 days agoMembru PNTL 100-Resin Tama Idade Reforma, La Inklui Komandante Jerál Afonso dos Santos
-
Ekonomia1 week agoAero Díli Hahú Voo Inaugural Ba Kuala Lumpur ho Pasajeiru Na’in-93
-
Edukasaun7 days agoDubes Okto Dorinus Manik Telah Memfasilitasi 1.700 Beasiswa Bagi Warga Timor Leste