Hatutan.com, (08 Jullu 2022), Díli-Primeiru-Ministru Taur Matan Ruak, sente triste no sokadu ho notísia aat kona-bá falesimentu Eis-Primeiru-Ministru Japaun, Shinzo Abe nian, ne’ebé hetan tiru iha Sidade Nara, Japaun, Sesta (08/07/2022).

Lee Mós : Eis-PM Japaun Shinzo Abe Hakotu Iis Hafoin Hetan Tiru

Primeiru-Ministru Taur Matan Ruak momentu sei Xefe Estadu hala’o vizita Estadu bá Japaun iha loron 15 fulan-Marsu tinan 2016, hodi hasoru-malu mós ho Primeiru-Ministru Japaun, Shinzo Abe. Foto/dok.GPR

Xefe Governu hato’o nia profundas Sentidas Kondolensias bá família matebian Eis-Primeiru-Ministru Shinzo Abe, no nia solidariedade bá povu no Governu Japaun bá insidente orrivel ida-ne’e.

Eis-Primeiru Ministru Japaun, Shinzo Abe, hakotu iis hafoin hetan tiru bainhira halo hela diskursu iha kampaña iha sidade Nara, Japaun Oeste,

Reprezentante Ospitál Universidade Medisina  Nara, Fukushima, informa katak eis-PM Shinzo Abe hakotu iis bainhira hala’o hela tratamentu intensivu.

Primeiru-Ministru Taur Matan Ruak momentu sei Xefe Estadu hala’o vizita Estadu bá Japaun iha loron 15 fulan-Marsu tinan 2016, hodi hasoru-malu mós ho Primeiru-Ministru  Shinzo Abe.

“Ohin loron triste ba Ázia Pasífiku,” haktuir nota imprensa ne’ebé Hatutan.com sita husi pájina ofisiál Facebook Primeiro-Ministro: S.E. Taur Matan Ruak.

Lee Mós : Eis-PM Japaun Shinzo Abe Hetan Tiru

Jornalista : Rogério Cárceres