Hatutan.com, (23 Marsu 2022), Dili-Comissăo Nacional de Eleições (CNE), Kuarta (23/03/2022), foin konklui rezultadu apuramentu nasionál ba votu no reklamadu hosi Munisípiu Aileu ho Ainaro.

Notísia iha Relasaun: Kontajen Finál, Ramos-Horta Kontinua Lidera ho Votu 301,481

Prezidente CNE, José António Belo. Foto/Hatutan.com

Iha Tersa (22/03/2022), CNE hahú halo  apuramentu nasionál iha tuku 14:00 Otl no tuir lei dehan katak, iha apuramentu nasionál ne’e, CNE sei verifika konsisténsia numérika iha akta sira, deside definitivamente votu nulu no votu reklamadu sira, no mós foti desizaun ba reklamasaun sira.

“To’o oras ne’e daudaun, CNE konklui ona prosesu apuramentu ba Munisípiu Aileu no Ainaro,” Prezidente CNE, José António da Costa Belo hateten ba jornalista sira, liuhosi konferénsia imprensa iha Sala konferénsia CNE, Caicoli, Dili.

Hosi Munisípiu Aileu, hahú halo prosesu apuramentu iha tuku 14:22 Otl, ho  votu reklamadu hamutuk 4, hafoin halo verifikasaun, deside votu 3 sai válidu, ne’ebé atribui ba kandidatu númeru 06, no ida Nulu.

Totál Votu Nulu, hosi Aileu, hamutuk 526, no depois halo verifikasaun, deside Buletim Nulu hamutuk 372, no sai Válidu hamutuk 154:

Hosi Munisípiu Ainaro, CNE hahú apuramentu iha tuku 16:00 Otl, iha Votu Reklamadu 1, no desizaun nafatin Nulu.

Bulletin Nulu hamutuk 779. Depois de halo verifikasaun, deside votu hamutuk 559 mak mantein Nulu, no votu hamutuk 180 mak sai Válidu. Ho ida nia deskrisaun;

Totál votu Nulu hosi munisipiu rua ne’e, hamutuk 1.305, deside sai Válidu hamutuk 334, no ne’ebé mantein sai Nulu, hamutuk 931.

“Totál votu reklamadu hosi munisípiu rua ne’e, hamutuk 5, deside sai válidu 3, no sai Nulu hamutuk 2,” prezidente CNE, José Belo hateten tán.

Oras ne’e, CNE halo hela verifikasaun ba Votu Nulu no Reklamadu hosi Munisípiu Baucau nian.

Durante prosesu verifikasaun iha apuramentu nasionál, CNE identifika mós kestaun sira balu mak hanesan, akta estasaun balu Sekretária Estasaun Votasaun nian, la asina. Akta orijinál Sentru Votasaun balu fo’er. Akta orijinál sentru balu prienxe laloos, maske nia rezultadu loos, maibé soma entre votante sira ne’ebé tuir vota mak laloos.

Jornalista: Rogério Pereira Cárceres