Hatutan.com, (21 Fevereiru 2022), Díli—Associação Timor-Leste para a Defesa do Consumidor – TANE Konsumidór  preokupa ho folin mina iha merkadu ne’ebé sa’e makaas no afeta tebes ba konsumidór sira.

Prezidente ATKTL, António Ramos da Silva. Foto/Hatutan.com.

TANE konsumidór iha ninia monitorizasaun deskobre fatór ne’ebé  kontribui ba  hasa’e folin “Combustivel” iha Merkadu Timor-Leste, mak oras-ne’e daudaun, merkau  Timor-Leste, fornesedór servisu “Combustivel” karun loos.

Notisia iha Relasaun:Tane Konsumidór Rezolve Keixa Tolu Kona-bá Atendimentu Banku

“Merkadu Internasionál- referénsia folin mina hosi Merkadu Londres nian, flutuante hosi Sesta-feira, 18 to’o 20 Fevereriru, kuotasaun presu internasionál entre 92,67 $/baril (18/02) no-liga ho fatór rua iha merkadu bazeia ba oferta produsaun no prokura konsumu.  Oferta depende ba produsaun husi OPEP, tuir krize mundiál, hatun produsaun no hasa’e folin,” Hatutan.com sita deklarasaun Prezidente TKTL, António Ramos da Silva iha komunikadu.

Prokura mundiál ba combustiveis aumenta tanba  mobilizasaun transportes, industrias ne’ebé prodúz enerjia influénsia ba inflasaun.

Merkadu kambiál ninia referénsia ba dollar sai hanesan osan standard ba folin mina iha merkadu internasionál no ba Timor-Leste ladún afeta tanba uza osan $.

Realidade ekonómika rai Timor-Leste ne’ebé hasoru krize ho  ninia impaktu sosiál, servisu fatin la iha, reflete ba podér kompra konsumidór sira nian, ho folin mina ne’ebé sa’e  áas, la kondiz ho realidade Timor-Leste nian.

Timor-Leste nu’udár konsumu ba mina, suply merkadu hatama hosi Singapura. Iha merkadu nasionál, iha de’it distribuidór rua de’it (2) ETO no Pertamina Internasionál Lda .

Tuir observasaun TANE Konsumidór nian katak, folin mina bomba kombustiveis ETO fa’an Gazoel ho folin $1,09 USA no gazolina ho folin $1,11 USD. Enkuantu Pertamina Int.Lda, gazolina no gazoel ninia folin hanesan $1,26 USD.

Iha Timor-Leste entidade reguladora mak Autoridade Nacional Petroleum e Minerais (ANPM), Direção Down Streem ho ninia knaar no kompeténsia hodi regula no fiskaliza ba atividade ekonómika mina nian.

TANE Konsumidór husu ba Estadu, liu hosi governu foti medida hodi  subsidia ba  konsumu conbustiveis.

Kontempla  mós medida sira governu ba hasoru krize fó mós subsídiu ba konbustiveis (gazalonia ho gazoel).

TANE Konsumidór mós, husu atu regulariza merkadu, atu nune’e fó kompeténsia ba Direção Nacional Down Streem Autordade Nacional Petrolõe e Minerais (ANPM) hodi regulariza merkadu iha situasaun krize.

Jornalista: Vito Salvadór